Ekue tshiuet uitshuat. Tshakapesh ekue pituteueshpimitak nenua utukaia anite patshuianitshuapit. Ekue itat nenua umisha tshetshi tutaminiti ashpishimunnu.
Manua umisha eshpish minuenitaminiti uiapamikut, nipaiakanitshe nishim, itenimeu.
Kassinu apatshiakanu aueshish. Eshpitenimakanitau aueshishat. Miam peikuan Tshakapesh umisha eshpitenitak utukainnu Katshiuashku e tutak utishpishimun. Kie uinuau innuat mishta-ishpitenimeuat aueshisha. Apu tshekuannu nanutatau.
• Ushkana atusseuakana tutamuat. Uipita, ushkashia, tapishkaniapia tutakannua.
• Ashtish, sheshtikuiapia kie pishashakaniapi tutakannu.
• Atikuain, aueshish ushakai e maminuashiniti matshunisha tutakanu.
