Ekue tshitutet ne ishkuess nianatuapamat nenua auassa, ekue uapatak tshekuannu ekue munaik : eukuannua ushima, eshku aiatshinua.
Ekue takushinit anite uitshuat, ekue anat anite assikut. Eku ne auass ishpish nitautshit ekue unuit anite assikut.
Ua tutakaniti unakana kie ma utapiunakana, ushkuai apatshiakanu. Mukutakan apashtakanu e matishakanit ushkuai e mamishekak, ekue eka pashut ne mishtiku.
Ua mamuapikatakaniti nenua nshkuaia, minaiku-utapiukatiapia apashtakanua, ushakanua ekue akutakaniti tshetsji anu nushkapekaki.
Ekue pikuneikaniti nenua ushkuaia tshetshi mamu tapashkuaikaniti.
Anite katshishpakaussikut takuan inniun kie tshishkutamatsheuna shutshenitamun, shutshiteieshkatun, tshinuenimitun kie ie e ishpitenimakaniht ishkueuat, tapuetatishun tshetshi nitautshin kie minu-nitautshin, e ishpitenimakaniht tshanuenimakaniht aueshishat, tshetshi eka nanutakanit eishi-kanuenitashuiak ute assit, tshishkutamatsheuna kassinu utshitimauenitamuna innu kie tshetshi nishtuapatakanniti kassinu auen ushutshishiuna, tan ua ishpitenitakuannit ushitshishiun.
