Tshakapesh : « Nimish, tshekat ninipaiau tshishikau-pishimu. ltutetau nete tipishkau-pishimut, ekute tshe nukushiaku. Minuat inniuitaui kutakat innuat utessit, tshika uapamikunanat nete etatu tshashikashtenit, anite ishpimit tshika ut uapamikunanat. Nika takunen ne assiku. Upime anite tshe nipauieku etaian. Kassinu anite eshpitashkamikat tshika ut uapamikaunan ute tipishkau-pishimut. »
Kashikanit, anite ut tipishkau-pishimuat, Tshakapesh tshut nakatuenimukunanu tshetshi innu-aiminikueni tshetshi eshku minu-kanuenitamanikueni tshinnu-aitunnu.
Etshitapamatau tipishkau-pishimua, innuat tshissenitamupanat tsheku meshkanu tshe apasht kueshpitau tiekuatshiniti·kie niashipepatshitau shiakuniti.
