Tshakapesh mineu nenua e nishiniti utishkuema tshetshi akushiniti, minuat umisha ekushiniti. Tshitapameu anite sheku utakupinit nenua umisha.
Nishtuau nipauat eshku eka takushiniht anite ishpimit. Ekue takushiniht anite etaniti tshishikau-pishimua. Nanitam nutekushu Tshakapesh pemuteniti tipishkau-pishimua, shash mishta-kataku tanua nenua iapishikushiti.
Tshakapesh : « Nika ui nakuakanikatuau. »
Tshakapesh ekue tutak pishimu-nakuakannu. Mishta-kashti-tipishkau.
« Nishim, tshekuan ne eka menupanit, shassikut mishta-kashti-tipishkau. »
Anite uapush meshkanua uet nametakaniht. Ka natuut nakuanitsheu. Unakuan e tutak pishakaniapinu apashtau tshetshi uauapikatak. Anite upime tshishtapakuana tshi tshimun.ariat. Tshetshi uanasse pitepitat anite nakuanit. Ueshkushtak tshetshi unauipaniut anite nikuanit muk aiat tshiputamanaku nakuanu ekue nakuashit.
